غراتان بالبطاطا المبروشة واللحم المفروم
اليوم إخترنا لكم هذه الوصفة لطريقة تحضير غراتان بالبطاطا المبروشة واللحم المفروم وهي طريقة من أسهل وألذ الوصفات . ونترككم مع كيفية عمل هذه الوصفة بالخطوات والطريقة الموضحة أدناه ، وأتمنى أن تعجبكم .
المقادير مع طريقة التحضير :
كمية من البطاطس حسب الحاجة تسلقيها في ماء وملح نصف سلق فقط.
في هذا الوقت حطي كمية من اللحم المفروم زيديلو 2 ملاعق زيت يتحمر زيديلو حبة بصل مقطعة رقيق مع 2 سنات ثوم وقلي الكل حتى يطيب مزيان وكي يطيب زيديلو شوية معدنوس مقطع وملح وفلفل أسود وطفي النار ابرشي حبات البطاطا الباردة من الجهة الخشينة نتاع البصل.
في صحن حطي حبات بيض مع نصف كأس حليب وزيديلهم شوية ملح وكمية من الجبن الطري أو المبروش حسب الرغبة، خلطي الكل مع بعض زيديلهم خليط اللحم المفروم وخلطي الكل.
سخني الفرن مزيان ودهني المول بالزبدة ورشيه بالخبز المرحي اأو الشابلير، صبي الخليط ودخليه للفرن حتى يتحمر من فوق وتحت ممكن ياخد ساعة أو ممكن أقل أو اكثر حسب حرارة الفرن اللي عندك المهم كي يحمار من فوق وتحت راهو طايب خرجيه وخليه يبرد شوية خطوة مهمة حتى يسهل تقطيعو.
قطعيه على شكل ليعجك وديري شق في وسط كل حبة بالسكين ودخلي فيه حبة زيتون
عند التقديم و دهني وجه الحبات ببانسو وشوية زبدة دايبة حتى يجي الوجه يلمع.
